Camping

Mi drinkeside

Superdigge drinkar er viktig og du kan få veldig gode resultat heima hjå deg sjølv!

Gå til drinkane

Få det beste ut av dei edle dropane

Eg ynskjer at kvar gong du vel Nine Sisters Ocean Gin kjenner du deg trygg på korleis å få det aller beste ut av dei edle dropane. Eg kjem til å gje mine beste tips og triks her.

Etter 16 år i service til folket frå bak ein bar tenkjer eg at eg kan ytre orda «trust me, I'm a bartender».

Følg med framover!

Her kjem det mange gode cocktails du kan servere deg sjølv og gjestane dine. Og fleire cocktails kjem – med gode historiar frå opphav og folka bak dei. Desse delar eg med deg, om du òg kjenner for å fortelje røvarhistoriar på kjøkkenet.

Therese Østervold Storebø
Gin-destillatør og bartender

Drinkutstyr

Dette treng du

Det er ikkje naudsynt å ha mykje fancy utstyr for å få gode resultat! Har du eit vanleg utstyrt kjøkken er du klar til å blanda. Cocktail-utstyret investerer du i om det passar deg, det er ikkje eit must for å lage magi i heimen.

Her er ei liste med dingsar som gjer at du meistrar miksinga:
  • Cocktail-shaker eller eit syltetøyglas med lokk
  • Barskei eller teskei
  • Hawthorne-strainer, det er ei cocktail-sil
  • Muddler, for å skvisa det som skvisast skal
  • Mortar, til knusing av urter og krydder
  • Sitruspresse, her kan du og nytta ei skei
  • God is, eg sjølv nyttar muffinsformer i silikon frå IKEA
  • Målebeger (i centiliter), eggeglas eller anna måleeining som fungerar for deg
  • Sukkerlake – 60 % sukker, 40 % vatn


GT Ingredienser

Miksetips

Når me blandar drinkar er det lurt å hella oppi dei billigaste ingrediensane fyrst. Det kan gå i krøll for den beste av oss og då er det greitt at ein ikkje har sløsa vekk verdifulle dråpar.

Mine drinkfavorittar

2 Drinker På Brygga

Cocktails med Nine Sisters Ocean Gin

Her kjem nokre drammar som du enkelt kan få suksess med heima på kjøkkenet. Det er berre å svinga seg rundt og heisann, hoppsann, falleralleraaaa blanda seg ein tår og vera glaaaa.

I tillegg til utstyret over, trenger du sukkerlake av 60% sukker og 40% vatn og store, fine isbiter.



Clover Club Kan Du Fotoshoppe Skummet Så Det Dekker Glasset?

Clover Club

Ein rosa mannedrink

Oppskrift

Southside

Southside

Ein sånn der gængster drænk

Oppskrift

Negroni Spumante

Negroni Spumante

Ein greve med sans for cowboy-livet type drink

Oppskrift

Gibson Martini (1)

Gibson Martini

Cocktailen du nyt medan du ser The Queen's Gambit 

Oppskrift

Red Snapper

Red Snapper

Den som fiksar dagen derpå

Oppskrift

Gin Rickey (1)

Gin Rickey

Den som er fresh når buksa er blitt litt stram

Oppskrift

Clover Club På Brygga Uten Skum 2

Clover club

Ein rosa mannedrink

Om drinken

Denne drinken var signatur-cocktailen til herreklubben The Clover Club som befann seg i Bellevue-Stratford Hotel, Philadelphia. Desse karane pjalla dei rosa, fluffye drinkane lenge før forbudstida som laga dårleg stemning i statane frå 1920-1933.

Rosa, fluffy i eit martini-glas

For ein cocktail treng du å måla opp:
3 cl sukkerlake
2 cl kikertevatn eller eggekvite
4 cl ferskpressa sitronjuice
3-4 bringebær (bruk gjerne frosne bær om vinteren då dei har meir smak)
5 cl Nine Sisters Ocean gin

Hell oppi alle ingrediensane og ryst dei saman utan is. Put your back into it! Dette kallar me ein “dry shake”.

Når du ser at det skummar har du oppi isen og rystar den med rytmisk kjærleik. Pass på å ikkje rysta den for hardt og for lenge om du har våt is (dei aller fleste har dårleg is heime), då vert den for utvatna, det smakar ikkje digg.

Hell drinken over i eit nedkjølt martini-glas (rett frå frysaren passar fint), det er og ok å ha denne i eit sånt vanleg glas med is oppi. Pynt med eit mynteblad og/eller med bringebær.

Når skal du dra denne fram? Den passar perfekt saman med sjokolade og vanilje og vert eit godt lag saman med dessert.

Gin Rickey På Brygga

Southside

Ein sånn der gangster drænk

Om drinken

Dei påstår at denne cocktailen oppstod bland gangstera på sørsida av Chicago under forbudstida i statane.

Syrlig, fresh med grøn smak

For å få miksa denne kriminelt gode cocktailen må du blanda fyljande:
3 cl sukkerlake
4 cl ferskpressa lime-juice
4-5 mynteblad. Gje dei ein dask i håndflata og slepp dei oppi
5 cl Nine Sisters Ocean Gin

Bland alt saman og ryst med maskingeværtakt. Hell det over i eit avkjølt cocktail-glas, du kan og hella da på is i vanleg glas.

Pynt med mynte blad og litt lime.

Ein twist som passar til fisk; byt mynte ut med bladpersille. Denne skvisast godt i boten av mikse glaset.

Negroni Spumante 2

Negroni Spumante

Ein greve med sans for cowboy-livet type drink

Om drinken

Negroni er ein favoritt blant mange bartenderar. Dei herlege dråpane er påstått å ha vorten oppfunne for grev Camillo Negroni. Han drog på eventyr til statane der han leika cowboy då han var i tjueåra. Ein fordel med denne cocktailen, anna enn at den smakar fantastisk godt, er at den er superlett å laga. Nesten umogleg å svinga flaska i feil retning her!

Bitter, sterk, søt og tørr

For å ta del i dette smakseventyret må gu gjera fyljande:
Ta eit glas og fyll det til randen med flott is, og hell oppi:
2 cl Nine Sisters Ocean Gin
2 cl søt vermouth
2 cl Campari
Topp den opp med ein tørr/ekstra tørr spumante

Rør lett frå botn til toppen med ei skei i ei vending, og ha oppi ei skive med appelsin.

 

Gibson Martini (1)

Gibson Martini

Cocktailen du nyt medan du ser The Queen's Gambit

Om drinken

Eg elskar, elskar, eeeelskar denne cocktailen og den er fantastisk med Nine Sisters Ocean gin! Dette er ein martini som skal rørast og ikkje rystast, det er få ingrediensar som krev kjærleik og omtanke.

Sterk, men soft – kald umami

Slik gjer du det:
Ha martiniglasa i frysaren, der kan dei ligga i 10-15 min.
Tre 4 sylta sølvlauk på ein pinne, tannpirkar kan funka
Fyll eit stort glas med is og rør lett og forsiktig i den om lag 10 rundar. Hell av vatnet.
Hell over 0,5 cl tørr vermouth
½ barskei sukkerlake
5 cl Nine Sisters Ocean Gin

Rør lett, pass på at den ikkje vert for utvatna.

Hell over i dei kalde martini-glasa, legg oppi sølvlauken. Ta ein bit av lauken for kvar slurk av martinien og du ser at det finst ekte magi i denne verda.

Gibson Martini Og Red Snapper På Brygga

Red Snapper

Den som fiksar dagen derpå

Om drinken

Red snapper er den betre utgåva av Bloody Mary, kva som er forskjellen? Me byttar ut vodka med gin!

Fyldig, spicy – måltid i eit glas

Slik gjer du:
Du treng eit solid glas med god storleik på, fyll det med is, og hell over:
0,5 cl fersk pressa sitron-juice
1 cl cl appelsin-juice
1 cl raudvin
5-8 dash med Worstersershiresausensomikkjekanuttalastrett (Worchestersaus)
To runder med pepperkverna
Ei runde med saltkverna (om du har sellerisalt blir det ekstra godt)
Tabasco i den mengden ganen din syns er behageleg
5 cl Nine Sisters Ocean Gin

Hell opp resten av glaset med tomat juice og rør alle ingrediensane saman. Dette er som å lage ei suppe, smak og juster med det du kjenn for at blandinga treng. Selleristang kan nyttast og erstattast med agurk eller kva som helst anna grønnsak du vil tygga på denne dagen.

Gin Rickey (1)

Gin Rickey

Den som er fresh når buksa er blitt litt stram

Om drinken

Denne cocktailen kom til verda seint på 1900-talet. Ein lobbyist for demokratane ved namnet Rickey likte ikkje drinkar med sukker, han likte best brennevin med soda. Det byrja med Burbon Rickey, men Gin Rickey vart snart den mest populære av dei alle. Enkel å lage, fresh for paletten og lågt kaloriinnhald.

Syrleg, utan sukker og digg

Slik gjer du:
Fyll glaset til topps med is, mykje, mykje is!
Hell over 2-3 cl ferskpressa lime juice.
4-5 cl Nine Sisters Ocean Gin
Topp den opp med soda vatn
Rør i ei vending frå botn til topp
Skvis lime skal over og putt det oppi

Skål for gode drinkar og godt selskap!